2026 жылғы 24 маусымда Қостанай станциясындағы ОПТ ГКОГСО инспекторы, полицияның аға лейтенанты Дощанов М.А. және Қостанай станциясындағы ОПТ ОАП аға инспекторы, полиция майоры Нарбасова Э.Б. «Күншуақ» жазғы мектеп жанындағы алаң тәрбиеленушілеріне «Теміржол көлігі объектілеріндегі қауіпсіз жүріс-тұрыс қағидалары» тақырыбында профилактикалық дәріс өткізді.
Іс-шара барысында балаларға теміржол жолдарының маңында жүру кезіндегі қауіпсіздік ережелері, вокзалдар мен платформалардағы тәртіп нормалары, сондай-ақ белгіленген талаптарды бұзудың салдары түсіндірілді. Теміржол нысандарында ойнауға, теміржол жолдарын белгіленбеген жерлерден кесіп өтуге және жолдан өту кезінде құлаққаптар мен ұялы телефондарды пайдалануға болмайтынына ерекше назар аударылды.
Дәріс сұхбат түрінде өтіп, балалар белсенді қатысып, өздерін қызықтырған сұрақтарға жауап алды. Осындай профилактикалық іс-шаралар кәмелетке толмағандардың қауіпсіздік мәдениетін қалыптастыруға және теміржол көлігі объектілерінде орын алуы мүмкін жазатайым оқиғалардың алдын алуға ықпал етеді.
