2024 жылғы 1 - қыркүйегінде №8 жалпы білім беретін мектепте дәстүрлі түрде білім күніне арналған 1 - ші және 11 - сынып оқушыларына арналған салтанатты жиын өтті. Мектеп директоры Унайбеков Руслан Буранбайұлы барлық қатысушыларды оқу жылының басталуымен құттықтап, жақсы оқу және конкурстар мен олимпиадаларда жаңа табыстар тіледі. Шақырылған қонақтар: Қостанай облысының білім саласындағы сапаны қамтамасыз ету департаментінің бас маманы Г. Б. Досмұхамедова, қалалық білім бөлімінің маманы Г. К. Калиева, "Өрлеу" біліктілікті арттыру ұлттық орталығы" акционерлік қоғамы филиалының аға оқытушысы Л. Е. Жаналина және Шракбек Қабылбаев атындағы ҚР ІІМ Қостанай академиясы бастығының орынбасары Б. М. Садыбаев құттықтау сөз сөйледі. Ата - аналар жұртшылығының атынан А. Байтұрсынов атындағы Қостанай өңірлік университетінің ректоры, география ғылымдарының кандидаты және докторы, Қазақстанның Педагогика Ғылымдары Академиясының мүшесі С. Б. Қуанышбаев сөз сөйледі. Бұл күні сахнадан мұғалімдер мен білім алушыларға арналған жылы сөздер, бірінші сынып оқушылары мен болашақ түлектердің атынан әндер, өлеңдер айтылды.
